कहवां गईल लड़िकैयां हो

कहवां गईल लड़िकैयां हो, तनी हमके बता द
हम त पड़ी तोरी पैंया हो-2
तनी हमके बता द, कहवां गईल लड़िकैयां हो

अंगना देखली, ओसरवा मे देखली, जाके बगिया, बगिचवा मे देखली-२
करिके हम त जतन हार गईली-2
ना मिलल कोनो छैंया हो, तनि हमके बता दा
कहवां गईल लड़िकैयां हो, तनी हमके बता द

एक त नस-नस तनलवा धनुहिया, दूजे कसमस करेला मोरे देहिया-२
तीजे हमके इ जुलमी जवानी-2
ले चलल कौने छैंया हो, तनि हमके बता द
कहवां गईल लड़िकैयां हो, तनी हमके बता द

कुसमी अंचरा चली जे उड़ा के, लागे जैसे केहू साथे
काहे हरदम बदनवा पे डोले-2
केहू के परछैंया हो, तनि हमके बता द
कहवां गईल लड़िकैयां हो, तनी हमके बता द