मिसरी मलाई खईलू, मिसरी मलाई खईलू, कईलू तन बुलंद
अलग भईले झारखंड आब खईह शकरकंद

मीलि नाहि दफ़तर मे माहे-माह वेतनिया, करे नाहि पईबू मास-मछरी के सेवनिया
सारी नाहि पहिरे पईबू, सारी नाहि पहिरे पईबू, धनिया मन-पसंद आब खईह शकरकंद
सारी नाहि पेन्हे पईबू, सारी नाहि पेन्हे पईबू, धनिया मन-पसंद आब खईह शकरकंद
अलग भईले झारखंड, आब खईह शकरकंद

मानली कि चीनी मीलवा चालू होई जाई, ऊखवा दाम ना समय से केहू पाई
दुईए चारि बरिसे मे, दुई चारि बरिसे मे फेर होई बंद, आब खईह शकरकंद
दुई चारि बरिसे मे, दुई चारि बरिसे मे फेर होई बंद, आब खईह शकरकंद
अलग भईले झारखंड, आब खईह शकरकंद

तीरहुत, दरभंगा सारण कोसी दहि जाई, भागलपूर पुर्णिया मे बाढ़ बढ़ि आई
केतना लोग के चूल्हा रहि रात दिन ठंड, केतना लोग के चूल्हा रहि रात दिन ठंड, आब खईह शकरकंद
अलग भईले झारखंड, आब खईह शकरकंद

दीलिया से पैसा मीलि गांव तक नाई, मंत्री, नेता अफसर मे बांटि लागि जाई
बांचल खूचल बीडियो खईहें, बांचल खूचल बीडियो खईहें, मुखिया सरपंच आब खईह शकरकंद
बांचल खूचल बीडियो खईहें, बांचल खूचल बीडियो खईहें, मुखिया सरपंच आब खईह शकरकंद
अलग भईले झारखंड, आब खईह शकरकंद

कलयुग प्रभावी बाटे मान मे न अईहें, बीए पास बाबू नलकटुई उठईहें
कलयुग प्रभावी बाटे मान मे न अईहें, बीए पास बाबू बनदुकिए उठईहें
कहले बिहारी गीत, कहले बिहारी गीत गावेले आनंद, आब खईह शकरकंद
अलग भईले झारखंड, आब खईह शकरकंद

 YouTube Link: https://www.youtube.com/watch?v=wh_HYn8L834